ایشیا کپ کے ایک اہم میچ میں سری لنکا پاکستان کو سنسنی خیز مقابلے کے بعد شکست دیکر کے فائنل میں پہنچ گیا ۔
ایشیا کپ: گزشتہ روز پاکستان اور سری لنکا کے درمیان اہم ترین میچ میں پاکستان کو سری لنکا کے ہاتھوں شکست ہوئی۔ پاکستان کا سفر ایشیا کپ میں اختتام پذیر ہوا۔ قومی ٹیم بیٹنگ کے بعد بولنگ میں بھی بری طرح ناکام ہوگئی۔ پاکستانی بولرز سری لنکا کیخلاف پاکستانی بولرز ابتدائی وکٹیں جلدی گرانے میں ناکام رہے جسکی وجہ سے میچ پر سری لنکا کی گرفت شروعات سے ہی مضبوط دیکھائی دی۔ پاکستان کا 252 رنز کا ہدف دیا تھا جوسری لنکا نے 8 وکٹوں کے نقصان پر آخری گیند پر حاصل کرلیا۔ سری لنکا کے کوشل مینڈس 91، چارتھ اسالنکا 49 اور سدیرا سمراوکرما 48 رنز کے ساتھ نمایاں بیٹسمین رہے۔
آخری اوور میں سری لنکا کو جیت کیلئے 8 رنز درکار تھے جبکہ سات
کھلاڑی آؤٹ ہوچکے تھے۔ زمان خان نے آخری اوور میں پہلی تین گیندوں پر صرف دو رنز دیے جبکہ چوتھی گیند پر وکٹ بھی لے لی
جس کے بعد سری لنکا کو میچ جیتنے کیلئے دو گیندوں پر 6 رنز درکار تھے لیکن پانچویں گیند پر اسالنکا نے چوکا لگا کر ٹیم کو جیت کے قریب کردیا جبکہ آخری گیند پر دو رنز لیکر اپنی ٹیم کے لیے فتح سے حاصل کی۔
اس سے پہلے پاکستان نے پہلے بیٹنگ کرتے ہوئے 42 اوورز میں 7 وکٹوں کے نقصان پر 252 رنز بنائے تھے۔ محمد رضوان نے شاندار86 ، عبداللہ شفیق 52 اور افتحار احمد نے 47 رنز بنا کر نمایاں رہے۔ ڈک ورتھ لوئس قانون کے تحت سری لنکا کو بھی جیت کیلئے 252 رنز کا ہی ہدف دیا گیا۔ بارش کے باعث میچ تاخیر سے شروع ہونے پر دونوں اننگز کو پہلے 45، 45 اوورز بعد میں پاکستان کی اننگز کے دوران بارش کی وجہ سے میچ دوبارہ رُکنے پر 42، 42 اوورز تک محدود کیا گیا تھا۔
پاکستان کیخلاف سری لنکا کی پہلی وکٹ 20 کے مجموعی اسکور پر گری جب کوسل پریرا 17 رنز بناکر رن آؤٹ ہوگئے جس کے بعد کوشل مینڈس اور پاتھم نسانکا کے درمیان 57 رنز کی شراکت داری رہی۔
سری لنکا کی دوسری وکٹ 77 کے مجموعی اسکور پر گری جب پاتھم نسانکا 29 رنز بناکر شاداب خان کی گیند پر کیچ آوٹ ہوئے۔
تیسری وکٹ پر کوشل مینڈس اور سدیرا سمراوکرما کے درمیان 100 رنز کی شراکت داری قائم ہوئی۔ 29.4 اوورز میں 177 کے مجموعی اسکور پر سدیرا سمراوکرما 48 رنز بناکر آؤٹ ہوئے۔
210 کے مجموعی اسکور پر کوشل مینڈس بھی 91 رنز کی اننگز کھیل کر آوٹ ہوگئے جس کے بعد وکٹیں گرنے میں تیزی آگئی۔ داسن شناکا 2، دھننجایا ڈی سلو5 اور دونتھ ویلالج صفر پر پویلین لوٹ گئے۔ پرامود مادھوشن آخری اوور میں ایک رن بناکر رن آؤٹ ہوئے۔
پاکستان کی طرف سے افتخار احمد نے 3، شاہین آفریدی نے 2 اور شاداب خان نے ایک وکٹ حاصل کی۔
No comments:
Post a Comment